لاصاحب ولاحبيب
****************
دنيا ماعادش فيها
لاصاحب ولاحبيب
طب قولى مين انا
أعاتب ولمين اطيب
حبيب سابنى فى عز
جرحى وصاحب يغيب
انا كنت مديهم قلبى
وكمان بجيب
اجيب الفرح لحدهم
واملى يخيب
يامين يطيب جرحى انا
عايز طبيب
صاحب جدع بالف اخ
وكمان حبيب
يداوى جرحى بكلمتين
ولايغيب
ويفرح قلبى بخطوتين
ولايوم يخيب
مافيش اجمل من الصحاب
لما تكون
صاحب امين وكمان
جدع ولايخون
وكمان حبيب قريب
قوى وعليه مااهون
ولايوم يفرط فيه انا
مهما اكون
يادنيتى سماح بقى
من الصحاب
اللى خانونى فى يوم انا
مافيش عتاب
ولاحد جه فى ازمتى
ولادق باب
كانوا يشوفونى بدمعتى
عملوا اغراب
وهنت انا كتير عليهم
وبدون حساب
بعت ليهم مراسيل
ومافيش جواب
وللحبيب صابنى الضنى
منه كتير
وكان قريب وكنت له
فى يوم اسير
مالى عليه دنيتى
وحبيب يغير
لما تعبت عليه ناديت
سابنى وراح
وجعلى قلبى اللى
اتملا منه جراح
وانا انصدمت فيه وقلت
مافيش سماح
على اللى خان واللى
كان مسا وصباح
قدام عنيه ومراعيه
كل ده راح
ياخساره على حب
قلبى اللى انجرح
وصحبه كنت فاكرها
لقلبى فرح
طببت قلبى لوحدى
وبعدت تانى
لاحبيب ولاصاحب
جدع كله انانى
وعمرى ما أعيد الماضى
ده مرة تانى
وقلت يازمانى
خلاص كله نسانى
********************
* راوية حسن *
ليست هناك تعليقات:
إرسال تعليق