القوه فى اللمه
كنا زمان يا كرام
عزوه وقوتنا فى اللمه
ما نعرف طريق للخوف
ولا نخاف بليل ضلمه
مادام الكبير موجود
نمشى ونكبر العمه
نكبر بس لينا حدود
وتخوفنا من الكبير كلمه
ولو غبت يوم موجوع
دور برد او حمه
تلاقى البلد على فرشتك
سلامتك يا ولدى واسم الله
انا ابن بلد ياولد
ومحسوب من اللمه
عصايه واحده البلد
فى الفرح والغمه
تقسم معاك المحن
وما فى زول يشيل همه
اتقلب ميزانك يا بلد
والنار بقت جنه
اصبحنا نهوى الفتن
وبيها نتحنه
غربنى اقرب ما لى
وانا دمى من دمه
وقال عنى غريب
ما يعرفنى فى فرض او سنه
وقاطعنى حتى الشقيق
وقال ارتحت انا منه
والتانى لجل الكيف
رفع ايده على امه
والجاى يا خلق خطير
لو فضت اللمه
الكبير قالها زمان
البركه فى اللمه
بقلمى الحبرى ابوشهاب.
ليست هناك تعليقات:
إرسال تعليق