. الهوارة
هور يابو الهوارة بيدها لبست اسوارة
شفتا ع العين تملي شبكت قلبي بسنارة
دلوعة والسحر فنون عملتني بحبا مجنون
شفتا واقفة ع البلكون تشرب كاس وسيكارة
تشارو بيدها تندهلي عيونها بالغمز تقلي
حطت بالقلب علة/ي ماهي من أهل الشطارة
هوارة الإسما عذاب و بحبا صاير شباب
قلعتني عن الباب قالت الحاق الختيارة
ع الهوارة الهوارة خصرا ضمر القيثارة
تغزل ع نبضي الحان تحلي ليالي السهارة
هوارة بنت الثانوية خطفت قلبي وعينية
كنا بالحصة الهندسية حبستني بدوارة بيكارة
الصبية بنت العشرين نظرتها شمال ويمين
لاعبتني ع الحبلين بكل خفة و مهارة
ياعيونها عيون الغزلان بحبها وقعت هيمان
كتبتلا شعر وقصدان و دمي حبر المحبارة
البنت الحبيتا بريجيت لاتحبني ياما تمنيت
راحت مني ع السكيت كانت أكبر خسارة
ع الهوارة الهوارة ختيار يحاكي ختيارة
بدربي فتحي البواب اعطيني منك أمارة
بعدك حلوة و شباب و بحبك هالقلب ذاب
سقتني شراب العناب معتق والشفاف جرارة
.. غانم ع الخوري ..
ليست هناك تعليقات:
إرسال تعليق