((غريبه حيل هالدنيا ))
غريبه حيل هالدنيا تفرقنا بدون شعور
ولا ترحم ولا تعطف ولا تقدر صداقتنا
صحيح أن الزمن دوار وأيام الزمن تدور
توادعنا وتفارقنا ومشينا جنب ذاك السور
جميله ايامنا كانت سعادتنا وشقاوتنا
أحد ينسى هذاك الصوت المعروف والمشهور
يصيح علينا بتهزيئه ويقول إسموا إذاعتنا
وعشان نعصى اوامرهم كنا نأخر الطابور
ونتفلسف ونقهرهم ونجاوبهم بضحكتنا
وتبدأ الحصة الأولى ويجينا المدرس المغرور
نحاول نحرق أعصابه بما تحمله خبرتنا
ويجينا الثاني بوجه مبتسم مسرور
ونقلب ضحكته هم وهذه شقاوتنا
ننسى المدرس والحصه نجاوب ونحاور
نزيد الطين بله ونستعبط بإجابتنا
نسولف بأول الحصه نكتب والقلم مكسور
نموه للمدرس مادرى وشهي كتابتنا
نشاغب نزعج ونضحك ولكن قلبنا عصفور
نسامح غلطة الثاني لأجل خاطر برائتنا
اصدقاء يوفهم ألله الواحد المشكور
إذا ضاقت بنا الدنيا يساعدنا بمصيبتنا
أصدقاء هاذيك الأيام راحت والسنين شهور
فمان الله ولا تنسون محبتنا وأخوتنا
غريبه حيل هالدنيا تفرقنا بدون شعور
ام رفعت الجوهري
ليست هناك تعليقات:
إرسال تعليق