. مشد صدي
رشو الورد بألوانو
للغالي بفرحة قربانو
يارب تحمي إيلي
و من العيون تصانو
إيلي فرحة ها القلب
هدية حلوة من هالرب
الله يفرحنا ويصر شب
بالحب تفرع أغصانو
سبحان الله اللي وهب
شبين غالي وأحلا شب
من بين الناس بينحب
و عالي كثير شانو
البي مقدر و نوماس
والأم الرقة والإحساس
وخوالو من خيار الناس
و يا سعدو بعمامو
* * *
طير و إجانا من الجنة
والبلبل هدى عالغصن وغنى
اليوم قربان الغالي
والسهرة للصبح عنا
السهرة حلوة بالحضار
و أهلا و سهلا بالخطار
بقدومن تفرح الدار
ونغني عتابا و معنّى
هدولو هدولو كل شي على أصولو
خلي يمشي ويتدرج ويتمختر بيطولو
خلي يمشي ع الورد ويقطف عسل وشهد
خلي يمشي ع المي ويميل عودو الطري
لبسوه من الحرير ويتزين مثل الأمير
بالهدى هزولو السرير
ولينام غنولو
خلونا نشرب عرق
أجمل منو ما خلق
طبعو صورو عالورق وبالذهب كتبولو
كتبلو كلام الإحساس
شاعر صدي ومن ألماس
ألله يسعد كل الناس
وتغني مواويلو
د. غانم ع الخوري
ليست هناك تعليقات:
إرسال تعليق