الشاعر ايمن شتا

#مش_علاءالدين

...........

#قلم_ايمن_شتا

......... 

انا مش علاء الدين... ولا في بساط سحري

ولا انتي بنت أمير... ولا سبب سحري

احنا يدوب عشاق.... وبعشقنا بنحكي

احنا يدوب في العشق.. سنة اولي وبنحبي

لا انا معايا فانوس....ولا حتى في جني

عشان اجبلك قصر... وترضى وتحني

انا حد بيحبك... حبك مجنني

لكن ادية قصيرة.. والحال مغلبني

لو كان عليا اطير.. واجبلك النيني

وتسكني فالعين.. مترضي وتحني

لا انتي بنت أمير... ولا في بساط سحري

انا مش علاء الدين...

انا مش علاء الدين... ولا انتي ياسمينة

لكني حبي سنين... بنشوفوا بعنينا

احنا يدوب عشقين... وزمانا دار بينا

والدنيا حالها كدا... بتمحي امانينا

لوكان عليا اطير... واسرق الاحلام

لكنت جبت القصر... ومليته م الخدام

وتعيش طول العمر.. تحققي الاحلام

لكني عبد فقير... ومغلباه الايام

انا مش علاء الدين...

 ولا انتي بنت أمير..

ولا في بساط سحري..

ولا معايا فانوس..

ولا حتى في جني..

عشان اجبلك قصر..

وترضى وتحني...

انا حد بيحبك..

حبك مجنني..

انا مش علاء الدين.. ولا في بساط سحري