مع وقف التنفيذ
أيوة مش طايقه وجوده
كارهه أرضه كارها سماه
كرهه ساكن جوة قلبى
حدة واصل منتهاه
بكره كلامه .مش طايقه سيرته
عاشقه قلقه اموت فى غيرته
بس عامله انى كرهته
رغم انى دايبه فى هواه
ولسه فاكرة كل الكلام
حتى ابتسامته وقت السلام
فاكرة حتى نطقه لحروفى
وحبى ليه سبب لخوفى
وانى كرهته مجرد كلام
فاكرة زعله بدون عتاب
وفاكرة غيرته من الصحاب
كان مهتم يواسى جرحى
لو حتى عايش وسط العذاب
فاكرة الجراءة إلى ساكنه فى قلبه
فاكرة القوة إلى سانده صلبه
فاكره كل شىء جميل
اقول عشانه انى بحبه
بس فعلا بقول كرهته
نفسى مرة اشم ريحته
كرهى خوفى عليه لأنه
قلب صافى وسط عيلته
انا حبى حب انانى
ومحتجاه يعيش عشانى
يبقى عمرى يبقى نبضى
ارويه شوقى وحنانى
مش عاوزة حد يشاركنى فيه
أو يغيب عنى ثوانى
علشان كدا كرهته جدا
رغم عشقى لنظرت. عيونه
وكرهت كل شىء ف حياتى
حياتى صعبه اصلا بدونه
#طارق العدل العدل
ليست هناك تعليقات:
إرسال تعليق