مدي إيديكي وإفتحي كل الدفاتر
صفحه. صفحه ومن غير حساب
إكتبي وبخط إيدك عن مشاعري
وإقرئى لي كلمه قولتها ولو عتاب
أنا نور وفجر إتخلق ليبوس جبينك
أنا شمس ليلك. لو القمر في سماكي غاب
أنا لو كتبت فيكي شعر. مش هايكفيني
في وصفك إنتي من الكتب مليون كتاب
أنا أرضك إنتي.
أنا نص قلبك انا الفرح من غير عذاب
أنا عاشقك إنتي. ومتزعليش لو قالوا شاب
أنا شعري لسه لونه ليليك.
طب انتي ليه تبعدي. إزاي يكون المطر من غير سحاب
مدي ايدك واقرأي في كل السطور هتلاقي إسمك.
وانا بندهك وبعزم صوتي وكل ليله بنتظر منك جواب
أنا مش بلومك علي أي شئ.
أنا بس عايز أشوف في عنيكي بسمه.
خليني فرحك في غربتك رغم الغياب
مدي ايدك وافتحي صفحه صفحه..
ومتقلقيش. انا لسه هاكتب فيكي شعر
يمكن في يوم يوصلك مني سلام. وانا بنتظر منك جواب
محمد طلــــعت
ليست هناك تعليقات:
إرسال تعليق