قبل ما قول الآه
قلبك بيسمعها
والبسمة فوق الشفاه
أنت اللي منبعها
دا القرب منك جاه
وشمسي ومطلعها
واللي فى بعدك تاه
كأنه ما ركاعها
وصلك دا طوق ونجاه
م النار وعذابها
وصى عليك الاله
والأف ما نقولها
دا رضاك شرط رضاه
والبركة هانلها
والعمر لو منتهاه
دعواك عايزنها
شايله لهمي وياه
غيرك ما يعملها
ومسمحه طبعي إياه
وقلبك بيغفرها
لولاك ما كان لي باه
ولا كلمة بنطقها
نصحك كتاب نقراه
لو داقت بيفرجها
الشاكي ليك سمعاه
من غيرك هيسمعها
وتصبري بلولاه
وتعدلي شراعها
أمي وأقول أماه
يارب مشفعها
...... وائل سعيد .........
ليست هناك تعليقات:
إرسال تعليق