البوم صور
~~~~~~««««««««
انا شلت فيه صور كتير
من الطفوله ولحد
مامرت كل السنين
صور صحاب كانوا زمان
من ايام المدرسه
كانت مابينا فى حكايات
وايام حلوه كويسه
صورة جيران كنا زمان
كان فيه امان حب وحنان
والجيرة كانت كويسه
الجار للجار والباب فى الباب
اصل الاحباب دول مدرسه
وصور كمان لاهل واحباب
والعمر اهه غاب كنا فاكرين
ان السنين تفضل مابينا
وما تنتهيش روحنا وراحت
وكان الحنين بينا اللى فاضل
خلاص مافيش وصور كمان
كانت زمان ابيض واسود
من غير. الوان
الوقت خلاص اتلونت
هى الصور. ولا القلوب
والوشوش متلونه
بقينا فى زمان الناس
فيه بكل الوشوش متمرنه
كدب تلاقى ويا النفاق
احنا زمان كنا فى وفاق
لاحد خان ولاحد كان
بقلبه كلمه كل الكلام
على اللسان. وحتى
لو فى القلب. جوه
اصل القلوب هى يادوب
نبض وحنين طول السنين
دمع وانين على اللى فات
م الذكريات. ايام زمان
كنا وكان حبة صور
البوم صور فيه. ذكريات
من زمان فات ولسه فى
قلبى شايله حاجات
~~~~~~~~~~~~«««
«««««راوية حسن»»»»»
ليست هناك تعليقات:
إرسال تعليق