الشاعر ايمن شتا

#بس_لو_ترضي

#قلم_ايمن_شتا

.......... 

امبارح وقع القطر.. والنهاردة سقالة..

والله يا بلدي.. حالتك بقت حالة..

لو محسودة قولي.. بأديا انا ارقيكي..

لو زعلانة اقولي.. اجي واراضيكي..

لو تطلبي عمري.. والله لأفديكي..

بس ترضى عليا.. وتغيري الحالة..

حالتك حزن والم.. وانا راضي ومسلم..

بس اية العمل............هنرضي ونكمل..

دموعي خدتيها.... معدش باقي دموع..

وحياتي بعتيها.... والضرب في الممنوع..

لو قولت يوم هرجع.. بترفضي الموضوع..

مليش غيرك وطن... ولابد من الرجوع..

بنده بعلو الصوت.... صوتي مهش مسموع..

يا بلادي لو ترضى.. انا اجي واراضيكي..

لو تطلبي عمري............ والله لأفديكي..

لو محسودة قولي.. بأديا انا ارقيكي..

بس ترضى عليا... وتغيري الحالة.. 

والله يا بلدي...... حالتك بقت حالة.. 

امبارح وقع قطر... والنهاردة سقالة..