((جمال الروح))
الجمال الحقيقي عمره ماكان جمال الشكل الجمال جمال... الروح..
ده مهما طال الوقت مسير الجمال... هيروح
الجمال مطلوب صحيح لكن أوعى تجعله... مرغوب
لو لك حبيب جماله عل الاد... يادوب
بص له من جوه هتلاقي نفسك فيه... بتدوب
يبقى حقيقي هو ده ...المحبوب
لان حلاوة روحه بتخدك لبعيد... وتروح
تلاقي نفسك ليه على طول... بتبوح
ويسعدك دايما بوجهه الضاحك البشوش وتلاقيه معاك كده... بحبوح
وتشم ريحة عطره تلاقيها حواليك... بتفوح
ومهما كان همك وحزنك من كلمه منه يداويلك كل ...جروح
وتلاقيه واقف جنبك ولو هيضحي عشانك... بالروح
يااللي تقابل دي... الروح
حافظ عليها وأوعي تسيبها منك ...تروح
أسعدكم الله بمن أحببتم
بقلمي ((منى شحاتة))
جمهورية مصر العربية
ليست هناك تعليقات:
إرسال تعليق