غزل..
شقى وعينيك حلوين
تشغل بيهم ملايين
لايق عليك الورد
يابو ضحكه وغمزتين
درويش انا فى موكبك
داير بقالى سنين
بنسج بنول غزلك
فستان برمش العين
غزل البنات ملمسه
ارق م الياسمين
خلانى شاعر ربابه
فى سوق العطارين
ببيع الصبر واشكى
من الشوق والحنين
ويغنى ف الجوقة جنبى
فريق م المشتاقين
وانا اوْلا بغزلك
حبل الهوى متين
لو انا مش هغزلك
مين يغزلك مين
جوهريات
ليست هناك تعليقات:
إرسال تعليق