أنا حبيتها من قلبى وهى كمان وأنا الجانى فسامحونى
طلبت ايديها وقلت خلاص راح اطلبها شريكه عمرى هنوونى
وقلت ل أبوها انا شارى.وهى كل أسرارى ف بالله لا تعادونى
ورد باباها راح أفكر .وراح أقولك كلام ف إحذر أخاف م الناس يهينونى
يا إبن الناس لا تتكبر .ولا تقولى كلام أكتر وسيبنى بس لأفكر سيبنى شويه .ساعدوني
فقلت يا عمى خد راحتك ..وانا بترجى ساامحتك..لكن بقبولكم ياريت بس تفيدوونى
سلام الله عليك يا عمى ..وأنا ماشى هربان دمى .خايف بالرفض تجازوونى
وكان رده حكيم العم..بلاش ياولدى تشيل الهم..دا ربك عاطى ما بيغم .راجل طيب وإبن رجال
وعدى يوم ورا التانى..وانا مستنى خبر تانى..وفات إسبوع على دا الحال
وانا قاعد وبنتظر الرد وجوايا جبال تتهد ..وافكارى ساكنها الضد هيبقبل بيا رغم إنى فقير الحال
وقلت والله ل أطلبها ..واقول وحشانى وانا اللى سايبها ..واقول الحب مش بالمال
طلبت ودق تليفونى ..وبنادى يارب يسمعونى..ماهى كل أحلامى وكل آمال
وخلصت والله الرنه ..ولا حد جاوبنى ولا قالى إيه الأحوال
وانا قاعد وبستنى ..يدق الباب واتمنى..تكونلى شريكه وسبحانه عالم بالحال
دى قصه حقيقه بكتبها
وبالاسماء انا حاببها
فتابعونى راح أحكيلكم عن الطيب وعن القاسى وعن الشايل حمل جبال
الجزء الرابع
محمد طلعت
ليست هناك تعليقات:
إرسال تعليق