................................
الدنيا جميله قوي كده ليه
مليانه فاكهه خضار و بانيه
وكل يوم سينما
حفلة من سته لتسعه
وآخر الأسبوع عالمسرح
والتاني عالمصيف
من هيلتون
لمارينا للسخنه لشاليه
وكل يوم ناكل لحمه
وبط وديك رومي
في الزحمه
وكباب حله فين الرحمه
مش عارف
اودي فلوسي فين
مافيش فقير
في بلدي حزين
كله بيعاني مالتخمه
حتي في إعلان السُكنه
في بلدي بيخاطبوا الشعب يقووووولوا
هنا الشقة بكام مليون
مش معقوله شقق بالكوم
الحق شقتك و شاليهك
ليك حمام سباحه على كيفك
واللي ياخد شقه
هايبقى
ليه
هديه
مايوه
أنا قلت أمسك الريموت
واشوف إعلان حتشبسوت
هاييجي في قناة تانيه
بعد إعلان البسكوت
لاقيت مذيعه تانيه
بتعيط مع ناس تانيه
قاعدين في مستشفى
مش لاقين ولا دكاتره
ولا علاج ولا أدويه
واتبرعوا
يا اصحاب الرحمه
قلت
أكيد
دي بلد تانيه
عيني عليهم مش لاقين
الدنيا صعبه قوي كده ليه
مليانه ظلم وقهر وإيه
مليانه ناس مش لاقيه
حتى القووت و اللقمه
محرومه من لبس الهدمه
إللي تخليه سعادة البيه
😁😀😁😄😅😀😂😂😄😂😄😂😁😀😀😁😉😊
#الشاعرمصطفى_عبده
ليست هناك تعليقات:
إرسال تعليق