ليه نظلم معانا الدنيا
وإحنا اللي ظلمنا بعض
لما القوي يفتري
وفي الضعيف يِعُض
الدنيا بريئه منّا
ومن أفعال خَسيسه
لا مظلوم بياخد حقُه
مَحنا عايشين في هيصَه
فينا الفقير مِتهان
نيجي عليه وندوس
أما الغني ريحته حِلوَه
نِمَسَّحْلُه جُوخ ونبُوس
الكداب بيصدقوه
والصادق يِكَدِبوه
ما هوَ الكِدْب صَنعَه
فُوقوا يا خَلق هُوه
ليه مَشيتوا الدنيا
يا خلق بالمقلوب
الدنيا زهقت منكم
إمتى بقى هنتوب
نِرّجَع للحق تاني
ليه نعيش العمر نِعاني
من ناس فَقدِت ضميرها
طماع ، ملعون، أناني
إحنا أسفين يا دنيا
ياما اتظلمتي معانا
شِبعتي مِنا كتير
مَسَبَه غير مَهانا
إمتى هنفوق ونعود
لطريق الخير والحق
إهدى كدا وإعقلها
تَوَكَل ماتقولش لاء
لازم قلوبنا تنضف
م الغِل والسواد
نفوز دُنيا ودِين
نِرضِي رب العباد
#هنائيات
#هناء_الغمري
ليست هناك تعليقات:
إرسال تعليق