أنت فاكرة اني نسيتك
أو فيوم ما زارني طيفك
لا ياغالية انت باقيه
جوه قلبي ممشتيش
خنتي عهدي وإفترقنا
بس كل يوم في بالي
ولما أفتكرك بعاني
إنت عارفه مين أكون
أوعي تنسي إن انت نبضي
ياه يا دنيا بتبعدينا
طيب إبقي إجمعينا
دا احنا خلصنا الكلام
فالعتاب والملام
وبعد ما عدت شهور
وافتكرت إني نسيتك
قلبي ما إتحمل فراقك
روحت أجري علي الطبيب
كشف وقال النبض وقف
إيه جرالي أنا بخير
ولا خلاص أنا انتهيت
قالو يدخل فالعناية
وعلقولي المحاليل
ووصلولي الاكسجين
سكت من خوفي ورعبي
بس كنت نفسي أقول
حد سامع نبض قلبي
هي لو رجعت يعود
مين بيفهم فالقلوب
ياطبيب إسمع كلامي
انا دوايا قرب الحبيب
هو نبضي وروحي فيه
مش حخبي شوقي ليه
مهما يجرحني بخبي
ماأنا روحي بين ايديه
بقلمي
#إكرام_خليفة
ليست هناك تعليقات:
إرسال تعليق