يا عيد لما تمر
بجنب ديرتنا
جبلي معك قنديل
يضوي بسهرتنا
وجبلي عطر نسرين
وطواق من يسمين
ومن أجمل فساطين
ل بنات حارتنا
...........
وخلي بقى لقلوب
مع بعضا تتصافى
وتتعانق الأحباب
والبسمة عشفافا
وتمتد إيد الخير
وكل عام وإنتو بخير
وتبقى بلدنا بخير
وبمحبة تتعافى
..............
وجبلي معك أزهار
وورود جورية
وشي خاتم وسلسال
بهالعيد عيدية
وجبلي معك زوار
عا بيتنا والدار
تبقى قمر نوار
وعا طول مضوية
...............
وجبلي معك تكبير
الله أكبر
ومن الصبح بكير
أفراحنا تكبر
وجبلي معك مرسال
هدايا للأطفال
وتتحقق الآمال
وتبقى غصن أخضر
......................................
ملك محمود الأصفر
ليست هناك تعليقات:
إرسال تعليق