سوريا ٢٠١٨
هزت صورتك يا بنتي قلبي وحنين
رحتي ودمعتك علي خدك
وحزنك علي اختك ليوم الدين
آه يا بشر يرضي مين
يرضي مين يا عرب
تموت البراءه وقلبها حزين
وتعيش النداله وصمه في جبين
يرضي مين
آسف اقول يا عرب
بجد آسف اقول مسلمين
مصعبش عليكم ولادنا
وليه يا حاكم قلبك سجين
يرضي مين يا عرب
يرضي مين يا مسلمين
إوعي تقول مش بلدي
اوعي تقول مش ولدي
في انهي شريعه وأنهي دين
حرام عليكم يا ...........
هتعيشوا بذنبها مكسورين
طب هما طلعوا للعلا
وانتوا نزلتم في بحر طين
آه يا مسلمين
يرضي مين
قال لك ربنا حافظ عليهم
ودول رعيه آمرا ومرؤسين
دمعتك يا بنتي جمره في قلوبنا
دمعتك علي أختك ضحكه في سنين
آه يا بشر
أشكي لحاكم ولا لوالي ولا أشكي لمين
يا رب لطفك يا رب عفوك
أنصر بلادي وأكيد الاعادي
ويرحمك وأختك وينتقم منهم
دنيا ودين
عبد الفتاح عبدالرحمن والي
ليست هناك تعليقات:
إرسال تعليق