مصري أنا
..............
مصري أنا ومولود فيكي
من كام سنه وعيني عليكي
بتمني ليكي الخير تشوفيه
والشعب كله طاير بيكي
مصري أنا هغنيها وأعيد
وهقولها من أول وجديد
يامالكه روحي ياحبيبتي
حبك في قلبي مالوش مواعيد
مابتحلي للدنيا النظره
لولا وجود مصر الحره
بعشق يابلدي حواريكي
لو عارفه ايه في قلبي ليكي
نيل ربنا بيسري فيكي
المولي يحميكي يادره
لفيت كتير في بلاد الله
الله عليكي يابلدي الله
إنتي السند والطيوبه
وف قلبي غاليه وحبوبه
وعملو منك كام صوره
باقي قلبك النابض بحياه
..................................
كلمات سعد حماد
ليست هناك تعليقات:
إرسال تعليق