الدنيا كانت خد وهات
والفكر فيها كان عفيف
شفنا كتير من الذكريات
شبعان مايطمع فى الرغيف
ولا سم راسي فى كبايات
يسقوه لكل فقير ضعيف
ولا سرقة وقت الممات
يشق الكفن بسن سيف
الكلمة من الكبير رباط
حتى ولو عاجز كفيف
والحكمة منه كانت آيات
مفيش الواد أبو العريف
ولا فيه ولد فى العلم بات
يقول كلامكم تخاريف
كان فيه كرامه للمعلم
يمشي فى طريق
الكل يسلم
فلان افندي ماشي ملمع
عارف انه للعلم سلم
صغار وكبار والكل يسمع
طالبين علام محتاجين نفهم
وسلام لكل الكتوبات
اللي بتنورعقل مضلم
الجبنه الرومي للباهوات
واللي ياكلها كان ابن عمدة
ولا كان كافيار ولا سويسهات
وكلام بقي للفقير عقدة
سوبر ماركت فى التلفزيونات
كلها حاجات بتئزي المعدة
بس العيال هات يابابا هات
والأب لطلبهم يسلم
فى الليل دكاترة وأجزخانات
ولا جار يقول محتاج مساعدة
اكلة أمه وشوات تكات
وحريمنا عاجبها القاعدة
يوتيوب يطلب شوية حاجات
يلبخونا اخوانا البوعدة
لو اتكلمنا فى الذكريات
هنقول كلام يظبط القاعدة
(((أسامه جديانه)))
ليست هناك تعليقات:
إرسال تعليق