الفلوس
اه من الفلوس
سلاح ذو حدين
ياما فرقت ناس
وحجرت قلوب
وعملت عداوة
بين الاهل
والحبايب والاصحاب
وحدثت جرائم
بين اعز الناس
والسبب هي الفلوس
الفلوس تعمي العيون
وتزفت النفوس
يقولوا احباب وأصحاب
والصداقة بينهم قوية
لكن عند الفلوس
تضيع القلوب
ولاحد يعرف حد
الفلوس مهمة جدا
وضرورتها قوية
عشان تكاليف الحياة
اما انك تبيع اخوك
او امك اوابوك
او صاحبك الغالي
علشان تكوش الفلوس
دي تبقى بقى رزالة
وقلة ضمير
في الازمات
لازم الكل يعين بعض
ونساعد بعض
لكن للأسف اللي بيحصل
الشاطر اللي بيبلع فلوس
ويبيع الدنيا والأخوة
والابوة والصحبة
كله عشان خاطر الفلوس
الناس بتاكل بعض
ماحدش بيرحم حد
المهم نعبي ونكدس الفلوس
لازم جيوبنا تكون عمرانه
وغيرنا عمره مايكون
اه منك يافلوس
ياما ناس على بعضها بتدوس
عشانك انت يافلوس
الاحد ٢١/٣/٢٠٢١
عارف البديوي
ليست هناك تعليقات:
إرسال تعليق