* من يوم *
...............
*من يوم ما وعيت ع الدنيا....
وعينيكي دي حرساني........
خطيت العتبه وإيدك...........
لإيديا دي سنداني..............
وكبرت يا أمي ف حضنك.......
وحضنك دا عالم تاني...........
رغم إنه حضن صغير...........
بس براحه دا كبير..............
ولا عمرة ف يوم إتغير..........
دايما فيه ببقى أمير..............
*طب أوصف أحكي وأقولك.....
عن حبك أه وحنانك..............
ولا البال المشغول..............
بيا ودايما أفكارك...............
عماله تجيب وتودي............
لو حبه بعدت أنا عنك...........
والناس تقولك مالك...........
خليه يسترجل حبه..............
وإنتي إللي شاغل بالك........
إبنك أبو ضحكة شابة............
وتقولي دا لسه أخضر..........
وعودة ما استاوش..............
دا أغلي يا ناس من قلبي......
وعنه أنا ما استغناش...........
*وإن حبه زعلتي مني..........
وكلامي معاكي دا خاني.......
أقولك يا أمه سامحي..........
ألاقي عينيكي بتاخدني.........
لبراح أوسع من الدنيا..........
وكإني ولا زعلتك...............
ونسيتي في لحظه وثانيه.......
إيه يا أمه حكايتك إنتي..........
علي طول كدا تنسي بسرعة...
ولا حتي مرة تعاتبي...........
يا كسوفي منك يا أمه..........
غطاني أنا منك خجلي...........
*دا أنا عمري ما شفت ملايكه....
بس أما شوفتك إنتي.............
وعرفت الدنيا ف حبك............
عرفت أنا ليه دلوقتي...........
الجنه دي تحت رجلك............
يا فاردة بجناح خيرك.............
وماليه القلب حنين................
أنا مهما هأفضل أحبك...........
عمري ما هأوفي جميل..........
#كرم ميخائيل
ليست هناك تعليقات:
إرسال تعليق