يلا نخطرف بأى كلام
بتكتب شعر..!!
ايوه أنا بكتب فى الأحلام
امسك قلمك والكل هيكتبلك
روعه واللى يعظملك بسلام
اكتب بدل البيت خمسين
ولو سئلوك عن وزن وقافيه:!!
قول مساكين
كل اللى هيكتبلك حاجه قوله انا شاعر
بكتب بس جوه القلب شوق ومشاعر
وان عجبتك بت صبيه قول انا قادر
اوصف عينك بالإحساس ايوه هغامر
اضحك ياد على دى وعلى دى واوعى تعافر
سجلها يلا مكالمه ويا الصوره
وان قالت ايوه انا حباك
قولها ايوه انتى حبيبتى الغندوره
ووقت الجد اهرب منها
وان سألوك عنها جاوبهم..ليه مشيت قول فزوره
وادخل يلا الخاص وبسرعه وإبعت صورتها الأموره
هددها وبكل القوه ..والبنت المسكينه هتبكى
وهتدعى ربها مكسوره
روح ياخى منك لله
وهتتألم إنتا كمان من قولت آه ....
بس حسابك يوم الحشر هيبقى عسير وقت لقاه
ربك عالم بالأحوال ..
واللى عمل الخير نجاه ..
واللى إتبتر واللى ظالم واللى عصاه
يوم الدين ..
الكل هيصطف طابور ...
اسمك جاى..انت وهو وهى كمان
الحكم مش منى انا ..هو الرحمن والغفور
الكل واقف لحسابه وكلا منا ليه الدور
هتنسئل عنها وعن غيرها يا أمور
وإنتى يا حلوه تعالى أقولك
حطى بينك وبين الأغراب ألفين سور
الفيسبوك كل عيوب رغم ميزاته ..مش كل الامع ده نور
ومش كل اللى هيدخلك خاص يبقى مؤدب أو عصفور
هتلاقي يجى مائتين ألف غراب
وهتغرقى زى سفينه على شط بحور
وانت يااللى عاملى مثالى ومفيش زيك
حافظ على نفسك يا غيوور
بكره اختك ولا مراتك وكمان امك لازم يجى عليهم الدور
الحق نفسك وبلاش تغلط والله حقيقى تعيشى مستور
سيدنا النبى قالها صريحه ..الديان لايموت وكما تدين تدان
اللى تعمله بكره هتلقاها ولازم يجى عليك الدور
يلا شاعر انت وهو وهى ...بس خافوا ..بكره جاى عليكم الدور
محمد طلعت
خالص تحياتي واحترامى للجميع
ليست هناك تعليقات:
إرسال تعليق