دوار يازمن دوار
عبدالمنعم عدلى..مصر
بانوا بانوا
على أصلكم بانوا
وهاتوا الأصل
من جزور بيوتكم
زمن دوار
وكل كرسى
له أصل ودار
إرجع مكانك
الكرسى مهوش مقاسك
ليخصف بيك
كونية مكانك
زمن وفيه
حساب وعقاب
بس يخسارة
عامل ناسى
ومش واخد بالك
عايز تعمل كبير
على ناسك
وحاطت عليهم مداسك
كنت بنهم وكبرهم
ومرسوم عند
كل واحد منهم
بالوشم والدم
وبتجرى فى عروقهم
وترياق الحياة ليهم
كنت آمال أحلاهم
وبعدت ومشيت
فى مدار مش مدارهم
وكسرت طوق النجاه
وأصبح البرواز هش
محروم وعايش
تحت أقدامكم
رمتوه وغيرت مداسكم
وفى جزوا الدار
عملت نفسك
فارس بلا جواد
لاعرفت تركب الجواد
ولاإتعلمت منهم
دوار الزمن دوار
بتبانوا فى حقائق صوركم
ماشين وراء
كبر أهوأكم
والكبر له ناس
خارج إرادتكم
إتمثلوا وكونوا
على طريق شيطانكم
دوار يازمن دوار
أصلك ماشى
عكس التيار
بقلمى عبدالمنعم عدلى
ليست هناك تعليقات:
إرسال تعليق