ودا شاعر ودى أديبه وده دكتور
وأقلامهم بلا أوزان ولا دستور
وهما يدوب يفكوا الخط ويخطو سطور
ودا يعلق يقولها روعه تسلم ايدك ..!!!
وهى ترد بكل ثقه تسلم ايدك يا امور
كلام أهبل مالوش معنى ولا عنوان
واهو كله بيكتب شعر بلا طعم بلا ألحان
ودى شهاده مكتوب فيها هنا إسمك يا فنان
ومتزعليش يا شاعره خدى شهاده بالمجان
إكتب يا قلم
الساده أصحاب الألقاب......ليلتكوا هباب
اشربو بس شوية قرفه أو حتى عصير عناب
واسمعوا منى انا لا منافق ولا بعرف اكون كداب
كل كلامكم مالهوش معنى...!! ايوه حقيقى
ذى الداخل من الشباك بعد مافتحوله الأبواب
اسمع يا اللى عاملى مثقف ..إعرب شاب
هنا أنتظرك يا عمرى شاب الشعر رغم إنى شباب..!!
إعربوا شاب ..!؟
قولى إنت وهو وهى ..كلمة شاب محلها إيه من الإعراب
اللى هيعرف هنقوله يا شاعر..أيوه شاعر بدون اسباب
يلا بسرعه ادخلوا جوجل......!!!
ولا اقولك بصى لشعرك جوه مرايتك اقلع من راسك الكاب
وانتى يا حلوه برافوا عليكى .....!!!
نزلى صورتك على سطرين من أى حساب
والاهبل هيقولك روعه ......!!!
لاء ومصيبه لو علقت بإيدى قلت زى الزفت ولا هباب
مره قرأت لبنت قصيده عليها يجى ألف إعجاب
اللى يقولها روحك حلوه ..واللى يقول شكلك جذاب
واللى يقول هبعتلك آد ..واللى يقول يا ريتنا صحاب
قلت راح أقرأ أحلى كلام حلو كلامها مش هيعاب
اول سطر قراته لقيته.... يعنى كويس ..اهو شغال
تانى سطر لقيته الباميه ريحتها صعبه قلت اهو عال
ثالث سطر لقيت الاخت كتبالى جمله....!!!
لا هى إسميه ولا فيها حتى أفعال
قلت أعلق بس بنصح يمكن تفهم........ بس محال
والله كتبت بكل بساطه تسلم ايدك بس راجعى كلمة مال
ردت قالت أنا دكتورة لغه عربيه .وانا ليا دواوين و مقال
ينهر ازرق ويمكن زفت انا رديت وإيه يتقال
واحده كاتبه كلمة شجره كتباها شطره وتقولى عال
بس العيب مش بس عليها ولا ع الدنيا ولا ع الحال
العيب على اللى معلق روعه ..براڤوا عليكى
واللى كاتبلها حلو كلامك والله ما عارف ايه يتقال
الشعر فى زمن النفاق تشردا
والجهل أصبح للعويل توددا
والعلم والعلماء بالأموال توسدا
حتى رأينا المتعجرف بقلمه ..!!
يناديه المتخلف بسيدا
يا سادة الشعراء الشعر أصبح فى خطر
وكم من عويل على السادة بالإساءة تعمدا
فارفعوا الأقلام حربا ..ولعسل القصائد مجدا
بقلمى محمد طلعت
القصيده لا أقصد بها أحدا بعينه ولكنى أقرأ لكثير لا يعرف ما الذى بكتبه الا من رحم ربى
خالص تحياتي واحترامى للجميع
ليست هناك تعليقات:
إرسال تعليق