ومرت الأيام بسرعه
""""""""""""""""""""
ومرّت الأيام بسرعه
زى قطر الذكريات
وافتكرنا اللى فات
افتكرته لما كان
كل يوم يحلف بأنه
مش هايبعد- أو يسافر
قلبى مطمن عليه
شفت فرحة عمرى جنبه
شفتها وانا بين إيديه
وصحيت ف يوم
وكان خياله اختفى
من فوق غصون عش الغرام
قالوا سافر- من زمان
رحت احبس دمع قلبى
خايفه من نظرة عزول
ومن حسود
تهت فى كل الوجود
ضاع الأمل ويا الحياه
عمرى يوم ماقلت آه
لسه فيه باقى أمل-
يرجع يعيد لي من جديد
كل ذكرى شفتها ف جنة غرامه
لسه بحلم يوم هايرجع
وف إيديه حلم الليالى وزهرتين
- زهره في قلبى هاتسكن
وزهرته في عيونى تحضن
يومها راح أنسى ظنونى
كنت فاكراه حب غيرى
وطيره راح طاير بغيرى
قلت راح يبقى مصيرى
فى الهوى كله عذاب
لكن ظنونى اتغيرت لمّا حضر
كان حضوره زى فارس وانتصر
رجعت الفرحه لعيونى
رجعت البسمه لفؤادى
وانتصرناع الأعادى
عاد حبيبى لما يوم
عادلى ودادى
عاد وخلى القلب يفرح
أصله بيحس بعذابي
ــــــــــــــــــــــــــــــــــــــــــ
ليالي أحمد الأسعد
ليست هناك تعليقات:
إرسال تعليق