طاير
قلبي ومابيهدي
سايبني ورايح لحبيب القلب والعين
قلت له ياقلبي رايح فين
قللي رايح لحبيب المهجة ونيني العين
اطبع على خدو قبلتين
واحشني كلامه
رقته وسلامه
طب ياقلبي هدي شويه
خدني معاك اروح وياك
نلقى حبيبنا احنا الاتنين
معلش يامالكني بالمعروف
اصلي مستعجل حبتين
ابقى انت حصلني
تلاقيني ضامم حبيبي ضمتين
تخش بينا وتقعد بحضننا احنا الاتنين
وتغني معانا عايشين سوا في بحر الهوى
نسرح ونمرح بجنة حبنا ويا عشقنا
وننسى همنا وندوب بغرامنا طول عمرنا
الخميس ١٨ فبراير٢٠٢١
عارف البديوي
ليست هناك تعليقات:
إرسال تعليق