سفير المحبة والسلام
{بحبك يا مصر }
ياأرض الكنانة بحبك
احكي لنا ساكته ليه
قولي يا مصر مالك
حلمك هتحققيه
وإديكي فإيد عيالك
حلمك نقدر عليه
حتي إن كان بعيد
بالعزم تقربيه
حبك ملهوش مثيل
ملي قلبي وفاض عليه
حبك في القلب ساكن
وفضلك مش ناسيه
نيلك شريان حياتي
من قلب الجنه سال
ولاعمره في يوم هيخلص
دا كلام سيد الرجال
صلي عليه وباركي
وكلامه صدقيه
حتي إن حطوا السدود
وقالوا هيمنعوه
إحنا في إيدنا الردود
ورجال راح يحفظوه
وهننسج ليكي غنوه
وموال راح تسمعيه
يا أم الكون يا غاليه
قلبك واسع براح
بيساع الكل حتي
إن كان مليان جراح
عيشي يا مصر حره
والجرح إحنا نداويه
دكتور /أيمن شعبان أحمد الناقر
ليست هناك تعليقات:
إرسال تعليق