حبل الدموع
جف نيلك اتشعبطي
بحبة مطر
بلاش تشكي كتر جوع
العالم كله في خطر
أيوة صحيح فينا عيوب
والنفوس شايلة الذنوب
وعلى الطريق ماشيين
يدوب
صعب نكون ملايكة
احنا بشر
يا نوح خدنا معاك
فين السفينة
قبل ما نقول انتهينا
محتاجين شفاعة محمد
محتاجين طيبة يسوع
يا موسى اليم مظلم
اضرب عصاك
يمكن يكون لينا رجوع
ويكون رحيم بينا القدر
ايوة فينا ناس
تعبانين وشقيانين
وناس طيبة ومخلصين
يارب عيسى وموسي
والهادي محمد
نسألك رحمة وعفو ومغفرة
انقذ عبادك
اخرجنا منها سالمين
نادمين يارب ومخلصين
واعوذ بالله من قلب
عاصي وفجر
......
علي حافظ المصري
ليست هناك تعليقات:
إرسال تعليق