بقلم:محمدأبوالحسن
""""""""""""""""""""""""""""""
مين إللى يخاف عليك
من النِسمه
لو بس تِلفح وجنِتك
مين يحِس بيك من غير
مايسمع شكوتك
لو شافك يوم مكشَّر
أو مغيَّر سِحنٍتك
مين لو شافك حزين
تحْرم عليه الدنيا
لحدّ ماترجع ضحكتك
مين لودمعه بلَّت خدّك
يطبطب عليك
وبإيده يمسح دمعتك
مين لو قلت آه
يقول ياريتها فيَّا أنا
ولاشيء يقرَّب ناحيتك
مين لو غبت ماينامشى
غير لماترجع حِتِتك
مين يتعب ويشقَى
وانت نايم على فرشتك
مين يفنٍى عمره كله
فى خدمتك
مين يتحملك
ويسامحك مهما زادت
أسوتك
مين نايم ولاصاحى
شايل همك ومشغولبك
مين لماتكبروتبقى راجل
يمشى جنبك ويِفتِخِربك
مين لما تفرح يقول
دا حلم عمرى
وكل شيء يرخصلك
مين إللى مستنى
ومتشوّق يشوف إبنك
ويقول أعّز من الوِلد
وِلد الوِلد
وحاجه غاليه من
رِيحتك
مين إللى ياخُد ولادك
فى حُضنُه
ويسيبك على راحتك
يابختك ياللى أبوك
عايش يابختك
حُطُه فى عينك
وفى ثانيه تجرى عليه
لمّا يندهلك
وحِب على رِجلُه وإيدُه
دُول سبب سعدك
وأوعَى فى يوم تزعله
أو تهينه
دا يبقى يوم نَحرك
وياويلك ساعتها
من حساب ربك
واسأل إللى مات أبوه
تعمل إيه لو أبوك
يرجعلك
هيقولك كلام يوجعك
وساعات هيشرحلك
إزاى الدنيا بعده إتغيرت
والكل بعد عنك
إوعى يغُرّك شِيطانك
وتمشى وراه من جهلك
وتبيِّت أبوك حزين
أوتتشغل عنه مع أهلك
واعلم إللى هتعمله فى
أبوك
أكيدبُكره من ولادك
هيرجعلك
بقلمى:محمدأبوالحسن
ليست هناك تعليقات:
إرسال تعليق