شو الغيرك يازمن..... للحال انقلب
صرنا على عدم التلاقي.... ننطلب
صار الحضن إلى الغوالي فيه خطر
والقبله صارت للمحب فيها عطب
شو.الوصلك يا زمن لسوء الاحوال
بين. الخلايق صار شيّ من المحال
ومن هم يحثوا ع تلاقي والوصال
صاروا يدعونا للتباعد..... بلخطب
شو الغيرك يا زمن..... صرنا نبتعد
عن الأحبه والأهل... من غير وجد
من بعد ماكّنا بلقانا.......... ننسعد
صرنا اذا قرب الصديق ناخذ جنب
قال الزمن ياصاح.... شو ذنبي انا
هذه فعايل للبشر..... جايبي العنا
صاروا قساة..صاورا طغاة ومبينا
أفعالهم بلشر ممليه......... الكتب
شوف اليّ سادوا تلاعبوا بمسارهم
وصاروا لصغار.. يتحكموا بكبارهم
قتلوا العدل...وسادالظلم بأفعالهم
شرور وباء صنعت إيديه لمن غلب
صار القوي يأكل الضعيف وماشبع
تاجر كبير باع الظمير ...من الطمع
مالَه بخزاين من الخداع بلكم جمع
استكثرع سائل من فقر درهم وهب
زادت عداواة.....القرايب والحسد
موضة عصر...والأخ ع خيو فسد
ياحيف كيف الشر... بقلوبهم رقد
لهيك ربي ابتلاكم.......... بلنوب
لاهيك جاكم شبح.. بلعين لايرى
قالو كرونا.....وحش فتاك للورى
يطال الغني مع الفقير بمدن وقرى
حتى الملوك كل البشر عجم وعرب
دوائه بقطع التواصل ..... بلجمع
لا عاد تلاقي بلقرايب ..... والربع
خوف.ن من العدوه ولعله يرتدع
كل ظالم.ن غطريس يخفف للغضب
مالكم يا غير الصبر بتسليم ورضا
بما قضاه الله ....... وقبول القضا
محنه وتزول إن شاء ربك هي عِضه
ياعل كلنا نتعض...... قبل العطب
بقلمي(( عطاالله زين الدين))
ليست هناك تعليقات:
إرسال تعليق