طافح حبي لبلادي
وبلاد العُرب طفحاني (كرهاني)
أنا المسجون وأنا المقتول
أنا المسروق وأنا المسحول
وأنا يا خلق اللي مجني عليه
وببقولوا أنا الجاني
أنا إبن نيلك يا بلد
أنا إبن نيلك يا بلد
أنا كل واحد في البلدي
عاش ومات
أنا كل واحد في البلدي
لسه حي
أنا كل واحد في البلدي
لسه علمه عند ربه
لكنه جي
أنا إبن نيلك يا بلد
أنا إبن نيلك يا بلد
أنا الضحكه وأنا الدمعه
وأنا الآهٰ اللي مكتومه
ماهيش طالعه
أنا النسمه أنا البسمه
أنا الخضره اللي مزروعه
في أراضي صحرا مبتسمه
أنا إبن نيلك يا بلد
أنا إبن نيلك يا بلد
أنا اللي لجل إنك تعيشي
ضحي بحياته
أنا اللي ثار في الميدان
وقت إغتصاااابك
وحزنوا أهله بوفاته
أنا إبن نيلك يا بلد
أنا إبن نيلك يا بلد
منعول أبو اللي
ماحس وجعي
منعول أبو اللي
ما شاف دموعي
منعول أبو اللي
مد ايده
بأي شئ يسحب
في روحي من ضلعوي
منعول أبو كل اللي
حكموا حكم ظُلم على البرئ
منعول أبو كل اللي
كانوا في يوم سبب
إن أتقتل أو اكون غريق
منعول أبو كل اللي
شهدواعليا زور وقالوا
عني سبب الحريق
أو قالوا عني قاطع طريق
ومنعول أبوكي
يابلد لو كنتي
يوم هتصدقي
إن ليكي كنت يوم
سبب في ضُر
أو حتى ضيق
أنا إبن نيلك يا بلد
أنا إبن نيلك يا بلد
أنا كل ما أتذكر
سنين الثوره بتألم
وببكي دموعي سيل م الدم
ويرفض شعري يتكلم
وبحزن حزن ناس ماتت
وناس عاشت وناس لساها
في علم الغيب
وعايش راضي ب المركوب
وأقول مكتوب وفتره مسيرها
هتعدي وبكره هتحلي أيامنا
ويجي نهار وشمسه تغيب
وطعم المر مابيدوب
ويجري العُمر قدامنا
ولا بتتحلي أيامنا
أنا إبن نيلك يا بلد
أنا إبن نيلك يا بلد
(((.. مصطفى دسوقي ..)))
ليست هناك تعليقات:
إرسال تعليق