قلبي افتكر خلاص طريقة وسكته
رجع صالح الحياة بعد خصام
وبعد ما كانت فارقته
مين كان يقول تاني يحب
بعد سنين في عزلته
مين كان يصدق بعد حزنه
ترجع له تاني فرحته
أحس بيه وأسمع غناه
أسمع كمان صوت ضحكته
أول مرة من زمان
أسمع تاني دقته
من الفرحة طايرة عايزة تجيلك
تحضن هواك ونسمته
وانا قبل منها نفسي اروحلك
ادوب في قلبك ورقته
وتبقي عيوني حاضنة عيونك
وأقول بحبك يا كل قلبي ودنيته.
كلمات/ ياسمين عبدالرؤوف محمد
ليست هناك تعليقات:
إرسال تعليق