**********
حصونها بتبكى ومين راحا يسمع
ومين راح يصونها ومين بس يدفع
يامه بقالها كتاب ف العوله
ونسيت كتابها ونسيت مقاله
بتبكى يا قصى وانا سمعت حسك
بتنده تقول ع اليهودى اللى دسك
ياعالم ياهوه حد يلحق يغيث
اضحى عليه بالثمين والنفيس
بلادى ياغنوه آخرها شجن
كلابها باعوها بارخص تمن
بلادى ياعشقى ياكل الحدود
يا كل القضيه وكل الوجود
بلادى يا ليبيا بلادى يامصر
يا طير روح حداها أدان كل عصر
بلادى اليمن بلادى السودان
بلادى الجزائر بلادى عمان
بلادى وطن بيبكى بحرقه
وغزه وجيبوتى وسوريا وبرقه
بكاكى بلادى جبل فوق كتافى
خلاص هى فتره وراحا تعافى
وكل الحكايه وطن كان غريق
عرفنا البدايه وعرفنا الطريق
لنصرك هنرفع ريات العزيمه
وروحنا تروح من غيرك مالها قيمه
يا كل اللى سامع لهذا الكلام
يا كل اللى رافع ريات السلام
بلادنا امانه ولازم تعود
عشان لينا احنا بخيرها تجود
ونحكى لولادنا بكل الحكايه
بدم اللى راحوا بدينا البدايه
وكل اللى خانها هيهرب شريد
ونكسيها احنا بتوبها الجديد
وتبقى عروسه ف أيدها مرايه
وتمشى براحتها وعلينا الحمايه
وكل اللى عادى هيضرب سلام
ولما نعدى هيدى التمام
ويعرف سعتها ان ليها رجال
بيحموا حصونها يهدوا الجبال
ولو حد قرب بروحه يفاديها
يبيع كل عمره ...... ويرميه عليها
********
عمرو تمساح ابوسفيان
ليست هناك تعليقات:
إرسال تعليق