نعم للسلام
أحلم مش صعب تحقيق الأحلام
حارب الشر في نفسك هتنعم ب السلام
قول كلتمك ماتخاف ويكون ضميرك صاحي مش بينام
قول كرهت الحرب كرهت الدم كرهت الدمار وبنادي للسلام
بحلم بعالم خالي من الأوهام ليه تخرب ليه تدمر
شد حيلك إبني عمر مد إيدك للسلام
شُفت دُنيا بشكل جنه الدمار حطم أمالنا والجحود بقي رأس مالنا مد إيدك للسلام
ايه اللي خدته من الدمار روعت أمن هدمت دار هددت البشر محيت الأستقرار يتمت أطفال وقتلت أحرار ليه بتسعي للدمار مد إيدك للسلام
أنت في الكون ده أمانه ليه في طبعك الخيانه بتحاربنا
وتجيب بأيدك ليه شقانا أنت ليه تاعبك هنانا استعيذ بالله وصلي كنت مسلم او مسيحي او يهودي قول يانفس ياصافيه عودي يطغي على ليه ع العالم جحودي ربي أوصى بالسلام
ليه تروع النيام ليه دول كانت عظيمه تبقي صورة أنهدام انسي حقدك وأنسي طمعك وأنسي غلك
بكره يجي حد تاني أقوي منك ويزلك وقتها هتعرف تمام هو إيه معني السلام
لا للكره لا للحرب لا للدمار،،،،،،،، نعم للسلام
✍️م/هشام غازي
ليست هناك تعليقات:
إرسال تعليق