**يومي العالمي**
زهقت من كلمة دي بنت
بكرة تكبر وتكون ست
يادوب تتطبخ وتقول حاضر
ونسيتوا أننا كل الماضي والحاضر
عملتوا لنا يوم عالمي
ونسيتوا تداوا كل جراحي
وتعالوا أأقول لكم بعض أسراري
أنا أنثى بميت راجل
بشيل حمول من غير گلل
بخلف وأربي وأقول دا ولدي
بعلم وادرس واطلع محامي
ومن تحت أيدي العالم والمداوي
بمشي وحدي وأنا بردانة
بنام بهمي وأنا عطشانة
مش بشكي وابكي وأأقول آه يانه
بتحتفلوا وأنتم واكلين حقوقنا
وگإنكم بس رجال لما تكسروا عودنا
فاكرين الأنثي جاهلة يادوب تعدي رصيف
ترسم لها خط الحياة علي الحيط يالطيف
وللتحدي تطلع من طابور الحرملك واحدة
هدي شعرواي تنادي بحرية المرأة
وتقوم الثورة ونادي بحق المرأة
ويكتب التاريخ فوق الجبين يا أحفادي
أنا المرأة اللي سهرت تدادي
وبأعلي صوت فوق المنابر قالت
أنا مش مخلوق ضعيف
ولا بالمعارك قلبي خفيف
ولا جنسي وقت الحساب لاطيف
ووقت الجد مش حطلب
تحميني من إحساس مخيف
أنا اللي بصون عرضك
وأنا اللي بزرع أرضك
وأنا أم الولد اللي بيه يتفرد ضهرك
وأعزروني لو كان الكلام سخيف
لكن خد مني الكلام الموزون يا ظريف
أن المرأة لها كل يوم في حياتك بتخاليه سعيد
بيكون يوم عالمي مش محتاج تدليس
دا دول العالم اعترفت لها بيوم تخصيص
وأنت عليك تعترف إنك من غيرها تكون رخيص
تشيلها فوق الرأس تشيلك في نن العين
بقلمي سهام أسامة
Seham Osama
ليست هناك تعليقات:
إرسال تعليق