الشاعر جرناس حوران ابوشاكر

...عندي حكي...

عندي حكي..

مابينحكي..

جبل وبقلبي

مرتكي

كل ماحاولت أبوح..

تسبقني عيوني ..

بالبكي..

.

بغيابك بستجمع قواي..

بقول رح سمعو شكواي..

ع.البعد بس ألمحك جاي..

بحس حالي ملبكي...

.

بتتبعثر ع لساني الحروف..

وبحس بحالة من الخوف..

والقلب يرقص بالجوف..

ومشاعري كلها مشربكي...

.

وبتذوب ع.شفافي الكلمة..

وفجأة بصير ملعثمة ..

وخجولة بتكون البسمة...

ياالله أشقد ملبكي...

...

والدمعة عن حالي بتبوح..

من داخلي تشتاقلك الروح...

وحبك للملأ مفضوح..

وبعدك تسألني شو بكي...

...

جرناس حوران ابوشاكر