00===00{{{ تشرين الدموع }}}00===00
ه............................................................................ه
ه
يامطر تشرين دخلك ما
اروعك
-*-*-*-*-* شتي علينا فرح انزل مع الغيمات
ه
علي لصوتك رعد بدي
اسمعك
*-*-*-*-* مطر حروفك حلا لاتعذب الكلمات
ه
ياصيف بدمع الشوق بدي
ودعك
*-*-*-*-* حملو الغربة خوف بشوقهن شنتات
ه
بكيو حجار البيت فجّر
مدمعك
*-*-*-*-* وصار الفرح ذكرى عادفاتر حسابات
ه
يافراق خدت الكل ويلي ما
اطمعك
*-*-*-*-* حبسّت القلب شعلان بسجن للاهات
ه
ياترى دمعة صبية مفارقة
ماوجعك
*-*-*-*-* ولا خيتو زغيرة تحضنو وبكّت الحجرات
ه
وام تحلفلو بالغصب راح
رجعك
*-*-*-*-* وبيو يقلو وين تركت هالشيبات
ه
خلي النهاية حب والهنا
بيمطلعك
*-*-*-*-* ياحب تشرين رجاع وعيد الحسابات
ه
يقطع لايدو ياوطن الي
قطعك
*-*-*-*-* وهجّر ولادك صارو تحت هالنجمات
ه
تشرين تعبتني شو بعمل
معك
*-*-*-*-* ردلنا حباب القلب باقي بالعمر ساعات
ه
يامطر تشرين راح بمشي
معك
*-*-*-*-* نغسّل قلوب الناس قبل هالطرقات
ه
بلكي المحبة تعود والكل
بيسمعك
*-*-*-*-* وترجع تشتي فرح ينزل من الغيمات
ه
ه,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,ه
مسا المطر والخير
مسا المحبة
اصدقائي
د اليان سمعان . سفير السلام في كاليفورنيا
ليست هناك تعليقات:
إرسال تعليق