إعرف صاحبك وعلم عليه
يووووووووووووة
أعلم على إيه ولا إيه ؟؟
أعلم على عشره سنين ؟
ولا على ناس خاينين ؟
ولا الى كانو معانا وفجأه
ماعرفناش هما مين 🤔
أعلم على الى هانت عليه العشره
ولا الى قدنا ليهم صوابعنا العشره
والا الى عليهم كنا هاينين
أعلم على مين 🤔؟؟؟
أسكت بالله عليك
ده القلب موجوع وحزين
أعلم على اخ غاب
وكأن اللبن الى شربه كذااااب
ولا اخوات عايشين مع بعض
وكأنهم........................ اغراب
ولا على أصحاب
ولا على اهل
ولا على احباب
قصدى الى كانو احباب
أعلم على بتاع المصالح
ولا الى بيقول كلام جارح
ولا الى بندق على بابه
نلاقيه فى ملاكوت الله سااارح
أعلم على السند ؟!
الى بيفرق بين اثنين !!!؟؟
ولا على الوتد الى مال
وهد عشره سنين
ولا الى بيقول سرك
ولا الى داس على جرحك
ولا الى مستكتر فرحك
ولا ولا ولا
اسكت ده القلب شايل ومعبى
وعاوز يعيش مستخبى
عايش مكسور وحزين
لا عارف يحكى ولا يشكى لمين
لا قادر يتكلم ....
ولا بقى فيه حيل حتى يعلم
#بتول احمد مصطفى
ليست هناك تعليقات:
إرسال تعليق