**,أمي ماتت**
أمي ماتت وإنقطع من بعدها خيرنا
راح وإدفن جوا الكفن ويا إللي كانت نوارتنا
كانت السند ويا الزمن تتحمل فوق طاقتها
ضهري إنكسر بعدك يا غاليه لما شلتك بأخرتك
جوا قبرك دفنت روحي جمب وردتك
بكيت كتير ونوحت وقلت خليني بحضنك
أمي ماتت وسابتني أنعي كسرتي
وإزاي أرجع لدار إتحرمت من بسمتك
أبكي علي سلالم إنحترمت خطوتك
ولا علي دار كانت منورة بشمعتك
بعدك يا أمي قل خيرنا وإنقطع وصالنا
كنتي ماسكه عقد المحبة بكف محبتك
قالوا ماتت قلت عايشة دي ريحها بالجنه
زرعت ورد الصبار لجل أمسح دمعتي
إللي سكنت جوه الجفون وصاحبت سكاتي
بعد منك كل حاجه حلوة راحت
والفرحة جوا القلب ويا الكفن ماتت
آآه آآه يا أمي لسه والله عايشه جوا ضلعي
أبكي عليكى يا نعمه كانت ساكنه قلبي
ولا أبكي علي سلالم إحترمت خطوتك
ولا علي دار كانت منورة بشمعتك
آآه آآه يا أمي لسه والله عايشه جوا ضلعي
بدعي ليكي بفجر الله بالرحمة والمغفرة
بقلمي سهام اسامه
Seham Osama
ليست هناك تعليقات:
إرسال تعليق