.......... المواجع ترن ..........
نفسي تصفا كل القلوب
وفي عز احزاني افرح
ومايبقاش بنا مقلووب
ولا للهمووووم مطرح
والقا البسمه في الوشوش
والصراحة في المكتوب
والكل في الراحه يعيش
والعدالة في دنيتنا مسرح
ده إحنا ما بنلحقش ننسي
دم سال وأحزان وغم
نصحي من النوم ع كارثه
فيها عظام ما تتلم
اهالينا يمووتوا في حادثه
واقع يزيد جوانا الهم
وتسمع ميت الف قصه
واخرتها ضحايا غلابه
ما بيفرقش معاهم السن
وتنهار حروف الكتابه
في تسجيل التاريخ والزمن
وتبقي هي هي العاده
ونلقا المواجع جوانا تررررن
تمحي من حياتنا السعاده
البسطاء بيدفعووووا التمن
والاسباب معروفه كا العاده
ونفس الكلام إعاده
عناوين بألوان جذابه
والطعم جوانا قهوة ساده
إمتي ح نلقا الحقيقه يا وطن
وتتشطب الحروف الكذابه
.........................................
.......... حسن الشوان ...........
ليست هناك تعليقات:
إرسال تعليق