إضحكى من غير كلام
الموج الهادى فى ابتسامتك
دا والله حقيقه ومش أحلام
عشقتك نور
سكن كونى برغم عتمة الأيام
ونسمة صبح تتوضا وترمى سلام
وسما بالمطره تتعطر مافيها خصام
يا بين ضلوعى يا ساكنه ليوم الدين
أنا العاشق راح أكتبلك كتير داووين
ولو قالوا إنه إتجن قولى أيوه م المجانين
عيونك بحر من خمره ونبيذك يسحر الملايين
وشعرك ليل من فضه يحميكى ربى م الحاسدين
يا ملكه فى كل أوصافك وعاشقينك كتير عاشقين
يا بنت السما أنا إبن الأرض .وإنتى ليا نن العيين
إضحكى للشمس أكتر عشان ضوئها يكفى سنين
أنا العاشق ليكى إنتى
.وفي بعادك أنا والله من الخاسرين
محمد طلعت
ليست هناك تعليقات:
إرسال تعليق