سلام ا ناس عليكم من بلدنا الهادي
وسلاما على الزمن الهجر قلب المحب الشادي
الريد والعشق ي خوانا مو شيتا كلاما فاضي
والفات القلوب حالفين بنجدعو غادي
...................
خاين العهود ما تديهو تان امان
ولفاق الدروب ما تبراهو وين ما كان
نساي الملح ما تخاويهو اصلو جبان
وعدمان الصدق ما تبقى ليهو الشان
...................
قالو العتمه ما فيها البضوي ضلامك
وقالو الخوه صبحت زي الهبوب لكلامك
قالو الدنيا ساعة وختهاا قدامك
وقالو السكة ما صعبه صعب التقودو أمامك
....................
ناس في الدنيا جاريه وما بتعرف الجاها
وناس للآخره راجيه وناطره مين ناداها
ناس لي الله حامده وشاكره من تباها
وناس فوق الشوارع حايمه تشتم قولي مين رباها
"" "" "" "" "" ""
نسمة كامل (بت الملك)
السودان
ليست هناك تعليقات:
إرسال تعليق