=====
كنت نصحابك برج عالي
لي دار رجلو يمنع
ساعة انت قصر خالي
لي غريتيه يطلع
شيرتي بغرامنا للثلت الفاني
قلتي ما يرجع
الشيطان شاف افعالك حل فمو
كيف الظبع
لعدو اشمت فينا وشبع
غير سيري او كان راه
القلب منك اجفل وقنع
الراجل الحر للنسا ما يركع
كلمة وحدة نقولها الله
ينعل بو الطمع
ما بدلتيني بقايد والعسكر اوراه
ولا طالب حافظ اللوح وشرب ماه
الي عطى فرانك ها عشرة
السومة مانسوى بحفنة ولا خنشة
هرستي القيمة والحال فيك ارشى
يا راسي لي نساك انساه
ولي بغاك حبو وهواه
الراجل الحر ما يخلي الدل اوراه ...
بقلم الشاعر الزجال : محمد زرواني
ليست هناك تعليقات:
إرسال تعليق