شوفتي ازاي
شوفتي أزاي وانت بعيد
شوقك في قلبي عمال يزيد
شوفتي أزاي حبك في الوريد
ماشي في شراييني بيزيد
شوفتي أزاي عيونك حلوين
ليه بالدمع اتخبوا سنين
شوفتى أزاي بالهنا طارحين
ليه تحرمي منهم عاشقين
شوفتي أزاي ان انتي ملاك
دارى ضياه من ورا شباك
شوفتي أزاي كده وانتي هناك
ضاع العمر بين شوق وهلاك
شوفتي أزاي ان انتي حبيبتي
وانا من غيرك تتوه مركبتي
شوفتي أزاي جوايا سكنتي
ولا يوم لحظة في بعدك هونتي
شوفتي أزاي الحب اهو عاش
بينا سنين ولا بيعنا بلاش
شوفتي أزاي عشت ما بنساش
ضلك حتى ان غاب وماجاش
شوفتي أزاي ان انا مجنونك
يدبل وردي في وسط شجونك
شوفتي أزاي ان انا مفتونك
تحيا زهوري ان شوفت عيونك
شوفتي أزاي العشق سعادة
يملا حياتنا بفرح زيادة
شوفتي أزاي لو فينا سوادة
شالها الحب ده الحب عبادة
يلا خلاص من الحزن كفاية
انسي همومك يلا معايا
ده انتي مكانك هنا جوايا
بصي في عيني انا ليكي مرايا
خالد المنصوري /مصر
30/11/2019
ليست هناك تعليقات:
إرسال تعليق