وعايز بس أكتبلك كلام موزون
بعيد عن وزن أشعارى وحرف النون
يا نون النسوه إتلمى مفيش غيرها يا نون بتصون
فكل النسوه شيئ عادى وهى لوحدها وبس ملاك الكون
تعالى ياكل أشعارى بأوزانك وبالقافيه .أنا بيها أنا مفتون
ولو لاموا عليا الناس وقالوا عنى من الكُتاب فَردى بصوتى إنتى يانون
قوليلهم إنها روحى وروح روحى كمان بتكون
قوليلهم إنى عدوانى مفيش غيرها بشر تانى ..ماهى ملاك ومش بتخون
زوليخه فى عشقها ليوسف قالت يارب إحفظهُ ونسيت حتى عظيم النون
ونسيت إنها الملكه وهو غلام فى خدامها وقالت بعشقه ياربى بقلب حنون
وعبله فى حبها لعنتر وكان عبد فى قبيلتها وقال الشعر فى ليلى قيس المجنون
بحق الليل ونور الفجر أنا عشقتك يابنت السما أنا مجنونك ومش مجنـــــــــون
فلو سئلوكى يوم عنى قوليلهم آآه بتسكنى وهو بعــــــيد
قوليلهم إنى بندهلك فى سنه ماشيه وسنه جايه بكل جديد
قوليلهم إنى حبيتك بقلب مالهوش وجود غيرك وبالتحديد
قوليلهم إنى بكتب شعرى فى عيونك وغيرك إنتى هفارق الأرض وأروح لبعيد
قوليلهم إنى بوجودك سعادة القلب ما يكفيها كليماتى وكلماتى ولو بتزيد
قوليلهم كل قصايدى عن حالى وبحكيلك ..أنا من غيرك أبقى وحــــيد
يا نون النسوه إتلمى مفيش غيرها يكونلى عيـــــــد
ومهما كترت النسوه أنا عاشقها ..ماهى الملكه .. وقولوا عنيد
يا حوا ومن ضلع آدم خٌلقتى بأمر الله وحده المجيــــــــــــد
أنا عاشق فى بناتك واحده وبس.... وعارفه نفسها بالتحديد
وبسئلكم ولو سامعنى جاوبونى ..من نسلكم هى ولا من بنات الحور
وسامحونى ...مـــ كل الناس لامونى وقلت عشانها أعدى جبال أعدى بحور
قالولى وإيه تكون هى.. قلت فى جسدى هى الروح .عشانها أعدى مليون سور
أنا مش شاعر الاحلام ولا حتى بهدى سلام
أنا عاشقها وعشقانى ومن غير مـ لف وأدور
وبعيد عن وزن أشعارى وحرف النون
فكل النسوه شيئ عادى وهى لوحدها فى قلبى ملاك الكون
وعايز بس أكتبلك كلام موزون
بعيد عن وزن أشعارى وحرف النون
يا نون النسوه إتلمى مفيش غيرها يا نون بتصون
بقلمى محمد طلعت
ليست هناك تعليقات:
إرسال تعليق