على شكل ماضى
ر_________ محمد حسنـى
٢٠١٩/١٢/٢٠
احنا
بنتاخد مننا
من هنا
احنا بنبعد عننا
عن هنا
بتخدنا الانا..
لأنكسرنا...
.. لأنحصرنا
لأنحضرنا
عمر ما كان اليأس دارنا
ولو قدرنا
نكتب الصمت ف كلام
والسلام
.. السلام فى الاعتزار اول فريضه
والندم بيبانلو قيمه
والعزيمه
فى الفواصل ع السطور
والكسور
ف الصدور مش ف الحروف
عمر ما كان الحب خوف
او ظروف
او كلام ف شكل عادى
وف اعتقادى
الحب اكبر
من انه يقبل ينكتب
على شكل ماضى
على شكل راضى بالفراق
حابه فينا الاشتياق
والغباء
رافض يسيبك
راضيه لحبيبك
ينقسم
يبتسم لحزن ذاته
كان الامل
وانتي حياته
السكوت بقي رد مطلق
والنصيب ناجح بملحق
والقلوب اجر تلحق
اجرى دوس على اى حد
على اى حاجه
دوس بقلبك ع المشاعر
اكذب سكوت وقولى شاعر
ما اللى قادر
ينفصل عن نفسه جايز
يهد حبه بالتراضى
لاء ويقبل ينكتب
.... على شكل ماضى!!!
19/12/2019
الشاعر محمد حسنـى
الاشتراك في:
تعليقات الرسالة (Atom)
ليست هناك تعليقات:
إرسال تعليق