\\\\\\\\ بتساْلينى بحبك لييييييييه \\\\\\\\\
اساْلى الليل لما يمشى ليه مروح ليه فايتنا
اسالى النهار لما ييجى كنت فين قبل ماجيتنا
اسالى الشمس لما تطلع ليه بتطلع جنب بيتنا
اسالى القمر لما يظهر ليه منور ظلمة ليلتنا
\\\\\\\\ بتسالينى بحبك ليه \\\\\\\\\\\\\\
اسالى الطفل الرضيع ليه بينزل ملهوف على امه
اسالى الام ليه لما ينزل طفلها منها تضمه
اسالى الطفل لما يكبر ليه ابوه كان شايل همه
اسالى الطير المهاجر على رزقه من فين بيلمه
\\\\\\\\ بتسالينى بحبك ليه \\\\\\\\\\\\\\
اسالى ومن غير سؤالك قلبى برضه ممكن يجاوبك
لما شوفتك راح هوه قايل نفسى اْخش جوه قلبك
وساعتها دق دقتين معناها ان هوه حبك
وحلف وقال ان عمره محب ابدا حد قبلك
\\\\\\\\\
حب الامان اللى فى قلبك والجمال اللى فى عنيكى
وكلمة الحب فى شفايفك وحنان لمسة ايديكى
والقوام اللى يخلى العقل دايما فكره فيكى
حب زهره حب نسمه ووهب زمانه كله ليكى
\\\\\\\\\
حب بلبل لما ينطق كلمته تطلع غنى
حب ليل لما بييجى دايما احلامه هنا
حب قمر فوق فى العلالى بعيد بعيد قوى عننا
حبك انتى من زمان عمره شوفى بقى كده كام سنه
\\\\\\\ماتسالينيش بحبك ليه \\\\\\\\\\\\\
\\\\\\\\\\\\\\\\\\عاشق الانا محمود الشيخ
ليست هناك تعليقات:
إرسال تعليق