..................( مشتهي ضمو )...................
الى كل المكافحين في سبيل ابنائهم
الى كل نقطة عرق مقدسة في جباههم
اهدي حروفي
((( القصيدة من وحي الصورة )))
0--------(مشتهي ضمو )---------0
ا~~~~~~~~~~~~~~~~~~~~~ا
ه
ياعمر بيكفي شقا حاجي مابقا فيي
تعبان لمين غيرك ياربي بيشكي
همو
ه
قضيت عمري شقا والكل يتطلع عليي
لمين بشكي الوجع والناس اذانهن
صمو
ه
دكتور عندك شي مرهم حطو عايديي
حفيدي بعمر الزهر شو مشتهي
ضمو
ه
يارب ايدي من الاسمنت بالنار مكوية
وجبين من كتر العرق تعود على
كمو
ه
بحاكي الصيدلي والدمع غرّق لعينيي
هذا روح جدو الغالي ودمي متل
دمو
ه
بيكون عم ياكل حبيبي بغنيلو الغنّية
بيجي بيركض زحف تارك صدر
امو
ه
بعد الشغل بمرق كل يوم مسوية
تالاعبو ربع ساعة وبوسو على
تمو
ه
بضمو عاصدري بصير ضحّكو شوية
عطرو متل باقة ورد بتشتهي
تشمو
ه
وحياتك يادكتور دبرني مابقى فيي
خود عمري دخيلك بس محروق
لاضمو
ه
قلي الصيدلي هدّي متلك تعب بيي
دمّعت عينيي هالمرهم هدية بيشفيك
ياعمو
ه~~~~~~~~~~~~~~~~~~~~~~ه
صباح الشقا وتعب الذكريات
صباح الطفولة والمحبة
صباح الامــــــــــــل
اصدقائي
الشاعر السوري المهجري - د اليان سمعان
سفير السلام في كاليفورنيا . الولايات المتحدة
ليست هناك تعليقات:
إرسال تعليق